كتب مينا غالى
كشفت الإعلامية الكبيرة الدكتورة هالة سرحان، كواليس ظهورها في فيلم "يا أنا يا خالتي" بشخصيتها الحقيقية. وقالت هالة سرحان خلال الجزء الثاني من لقاءها ببرنامج حبر سري مع الإعلامية أسما إبراهيم على قناة القاهرة والناس: "هنيدي ده عسل.. من الشخصيات الرائعة في الحياة وخفة الدم، وأول مرة شفته في حياتي كان في مسرحية خشب الورد، وكان عامل دور عسكري ضغير مع الأستاذ الراحل محمود عبد العزيز، ولكن في الدور القصير ده وقلت ده هيبقى فنان كوميدي لذيذ جدا، وقلت هاتوهولي في البرنامج وموتنا من الضحك.. لما تقعدي مع هنيدي تبقي في سعادة غامرة جدا". وأضافت: "لما عملوا فيلم يا أنا يا خالتي قالولي عايزين الاستوديو بتاعي علشان أحاور الخالة نوسة، ولما دخلت الاستوديو لقيت الخالة نوسة، وابتدى يتكلم معايا "نوسة هي اللي بتتكلم معايا مش هنيدي"، وقعدنا من 8 مساء حتى 5 الصبح وأنا في حوار مع الخالة نوسة مش هنيدي، وبان الشخصية في دماغه، وهو بيبقى محضر وراسم كل حاجة للشخصية، وهنيدي كان عايش نوسة دي". وتابعت: "الخالة نوسة بتكلمني مش هنيدي وقعدنا نضحك ضحك، وخوفني على الهواء، فالفنان بيدخل وبيخرج من شخصيات كتيرة أوي لكن أحيانا يدخل شخصية ميعرفش يطلع منها، لكن أحيانا يعيش دور النجم وينسى شخصيته الأصلية".
فيلم يا انا يا خالتي ايجي بست
إعلان فيلم يا أنا يا خالتي | Ya Ana Ya Khalty Trailer - YouTube
alumniyat_30 أفلام وسينما ومسلسلات
بواسطة محمود الغليض
18 مارس، 2022
فيلم يا أنا يا خالتي هو فيلم مصري كوميدي، من أجمل أفلام محمد هنيدي…